Die vliegtuig het pas opgestyg. Een manlike
passasier sit en byt sy vingernaels en vee heeltyd
sweet van sy voorkop af. 'n Lugwaardin sien hom
raak en sê: 'Meneer, kan ek vir u iets van die
kroeg af kry om u te kalmeer?' Die man knik
instemmend terwyl hy vreeslik bewe. Sy kom met
'n drankie en hy sluk dit haastig af. Tien minute
later sien die lugwaardin dieselfde man erg bewe
en sy naels byt. Sy bring hom nog 'n drankie wat
hy ook haastig afsluk. 'n Halfuur
later merk sy op dat die man nog erger bewe en
ook saggies huil. 'Ag siestog, Meneer,' sê die
lugwaardin, ek het nog nooit iemand gesien wat
so bang is om te vlieg nie!' 'Ek is nie bang om te
vlieg nie', snik die man, 'ek probeer ophou drink!